SEXTO E SEPTIMO DIA EN BERLIN

O luns andivemos buscando unha tenda de roupa de segunda man chamada Garage, que a vende ao kilo. A 13´99 euriños o kilo. Tiñamos a dirección, e cando no hostal preguntamos por onde quedaba, a recepcionista marcounos no mapa a zona onde tiñamos que ir. E para alí nos fomos. O tempo seguía chungo e, aínda que o temporal que tiveramos os días anteriores xa marchara, de vez en cando chovía e o facía moito frío. De camiño atopámonos con esta igrexa. Esta sí que é unha igrexa guapa e non a de Carballo.




Cando chegamos pronto encontramos a rúa, pero non había rastro da tenda.Estivemos buscando e buscando, incluso en distintas rúas a que nos tiñamos anotada e nada. Parecíanos imposible. Ata que nun momento dado, preguntamos a un rapaz que pillamos por alí, e díxonos que estábamos no sitio equivocado. A rúa máis a tenda que buscábamos estaban noutra parte da cidade. Cerca de Nollendorfplatz,que estaba ao norte do hostal, e a nos mandáronnos ao sur. O despiste foi debido a que o sitio a onde nos enviou a rapaza do hostal tamén se chamaba igual que a onde queríamos ir realmente. Xa eran cerca das oito da tarde, polo que decidimos deixalo para o día seguinte, e como tiñamos que madrugar, xa ke as dez deixábamos o hostal,fomos descansar.
Como o martes íamos ir para o aeroporto sobre as nove da noite, pedímoslle á xentiña do hostal se podíamos deixar alí as maletas para así aproveitar o día sen cargar con elas e dar unha última volta por Berlín. E así foi. Marchamos para Nollendorfplatz, e ao pouco xa atopamos a tenda,pero aínda estaba pechada. Aproveitamos e fomos dar unha volta por unha calle comercial para ver si comprábamos algunhas cousiñas. Máis tarde fomos ata Garage. As referencias que tiñamos desta tenda eran que había roupa a mazo, guapa, onde escoller e bla bla bla...Ou fomos nunha época baixa ou non é tanta historia como din. Sí había bastante roupa, pero a maioría feita polvo. Eu esperábame outra cousa. Sabendo que era así non perdía tanto tempo buscando por ela o día anterior. Pero son cousas que pasan.Marchamos sen mercar nada.Estivemos facendo tempo tomando unhas últimas cervexas en Berlín e cando foi hora voltamos ao hostal polas cousas e marchamos para o aeroporto deixando Berlín atrás.



Algún día espero voltar e disfrutarte como te disfrutei nesta ocasión,pero sen temporal e en primaveira.

BERLIN CIDADE QUE NON ESQUECE
BERLIN CIDADE PARA NON ESQUECER